Инволтини ал помодоро - Полнети ролати
Состојки
- 6 свински шницли
- 125гр. црвен песто
- 125гр. моцарела
- сол, бибер
- Сос
- 250мл. говедска бистра супа
- 125мл. црвено суво вино
- 1 лажица густин + 50мл. вода
- мешавина италијански зачини - оригано, мајчина душица, рузмарин...
Подготовка
Шницлите исчукајте ги и помеѓу две фолии или во кеса за замрзнување да бидат со дебелина околу 3-4 мм. Послолете и побиберете ги од двете страни.
Секоја шницла премачкајте ја со по 1 1/2 лажичка песто, наредете парчиња моцарела по површината од шницлата и завиткајте во ролат. Прцврстете со дрвени чепкалки или метални кујнски игли и ставете да се пржат на убаво загреано масло.
Пржете по неколку минути од сите страни, додека ролатите убаво заруменат. Откако се испржиле тргнете ги на страна и завиткајте ги во фолија.
Во маслото каде се пржеа, додадете ја супата и виното, оставете да проврие па ставете го растворениот во вода густин и продолжете со варење на сосот додека да се згусне. Пред крај додадете ги зачините и дотерајте го вкусот на сосот.
Послужете топло со прилог по ваша желба.