Кекси со лешници и нутела
Состојки
- 200 гр потпечени ситно мелени лешници
- 220 гр путер на собна температура
- 180 гр ситен шеќер
- 2 кесички ванилен шеќер
- 2 мали јајца
- 1/2 лажиче прашак за пециво
- околу 450 гр брашно
Подготовка
Во сад се ставаат сите состојки освен брашното. Брашното постепено додавајте го и месите додека се добие средно тврдо нелепливо тесто. Потоа на набрашнета површина развлечите кора дебела околу 4-5 мм и со калапчиња вадите колачи пола цели а пола со отвор и редете ги во плех обложен со хартија.
Печете ги во претходно загреана рерна на 170-180 степени околу 10-12 мин благо да заруменат.
Оставете ги да оладат и потоа лепете ги со нутела по две колачиња.