Испечати

Моја Страчатела торта

Моја Страчатела торта

Состојки

  • за тесто
  • 6 белки
  • 200 гр. шеќер во прав
  • 3 лажици брашно
  • 200 гр. сецкани ореви
  • прстофат пециво
  • за фил
  • 0.5 литри слатка павлака
  • 6 жолчки
  • 100 гр. шеќер во прав
  • 200 гр. чоколадо (рендано на крупната страна на рендето)
  • 50 гр. рендано чоколадо за одозгора

Подготовка

Тортава ја подготвив пред роденденот на мојата постара ќерка, пред онаа главната и секогаш успешно ми излегува.
Подготовката е „едноставна“, што за мене мора да е вообичаено така.

1. Добро се матат 6-те белки (стоени на собна температура) заедно со шеќерот, се додаваат оревите, брашното и прстофатот пециво и се мешаат со дрвена лажица.

2. Се печи во правоаголен плех (37х22 см) во хартија за печење на 185 степени околу 25-30 минути. Се лади добро.

3. Се бијат убаво 6-те жолчки со 100 гр. шеќер во прав во еден сад.
Се бие павлаката (од фрижидер) во друг сад, и се соединува со избиените жолки.
Се додава ренданото чоколадо и добро се изедначува.

4. Се премачкува изладеното тесто со филот и се наросува со ренданато чоколадо. Се става да се лади. И толку!

Не се грижете што жолчките во филот се живи, тоа воопшто не е проблем и не се расипува тортата (јас претежно ја правам во зима, најмногу ми иде така).
Може да се направи двојна доза и така ќе си добиете доста висока, кремаста и вкусна орево-чоколадна торта. И плус е лесна за јадење!
Пријатно!