Вариво со кисела зелка и чадено месо
Состојки
- 1 главица кисела зелка
- 1 страк праз
- 350гр. чадено свинско месо
- по потреба расолница
- Запршка
- 1 лажица свинска маст
- 1 рамна лажица брашно
- 1 лажица црвен пипер
- 1/2 страк праз
- по потреба мешан сув зачин, црн бибер
Подготовка
Едно од омилените јадења во зимскиот период ми е токму ова.
Едноставно, а превкусно.
Зелката исецкајте ја на парчиња и ставете ја во тенџере(оставете еден дел настрана).
Врз зелката ставете го сецканиот праз, па потоа парчињата месо.
Одозгора ставете ја зелката оставена настрана.
Налејте расолница колку да ја покрие зелката .
Поклопете и оставете да зоврие.
Потоа намалете го огнот на тивко и оставете да се вари.
Запршка
Во тава на оган ставете ја маста да се растопи.
Додајте го ситно сецканиот праз и пржете додека омекне.
Потоа додајте го брашното.
Откако брашното ќе се запржи тргнете од оган и додајте го црвениот пипер.
Со запршката посипете ја сварената зелка, додајте мешан сув зачин и црн бибер и измешајте.
Оставете ја зелката кратко да провари со запршката.
Ова вариво редовно си го јадам со лута печена сува пиперка и свеж праз....нешто незаменливо.