Триаголни кифлички
Состојки
- за тесто
- 20 млако млеко
- 100 мл топла вода
- 100 мл масло
- 2 лажички сол
- 1 лажичка шеќер
- 1 коцка свеж квасец
- 550-600 гр брашно
- за фил
- 125 гр путер
- 1 лажичка сол
- 2 жолчки
- 100 гр бело сирење
- 100 гр сецкан свински врат
- за премачкување
- 2 изматени белки
- по потреба сусам
Подготовка
Никогаш доста од кифлички, а посебно сега за празнициве кога на секоја трпеза прво што има се кифлички. Па еве и мој мал придонес во идеи за празнички брзи кифлички.
Во подлабок сад се соединуваат млакото млеко и топла вода. Во садот се додава квасецот, лажичка шеќер, и лажица брашно. Промешуваме и оставаме квасецот да се активира.
Во друг сад ги соединувате брашното, лажичка сол и масло и со надојдениот квасец замесуваме меко тесто, кое го покриваме со крпа и оставаме да нарасне околу 45 мин.
Во меѓувреме се прави филот. Со миксер се мати путерот со лажичка сол и 2 жолчки. Нараснатото тесто се размесува и се дели на 2 дела. Секој дел се развлекува со кора која се премачкува со филот. Врз него се посипува издробено сирење и сецканиот свински врат. Се витка ролат. Со тацна се сечат од ролатот триаголни кифли во циц-цак правец. Кифличките се редат на плех за печење. Се оставаат малку да нараснат (додека се загрева рерната), се мачкаат со изматена белка и се посипуваат со сусам. Се печат 15 мин на 180-200 степени.