Триаголници со лешници
Состојки
- 8 лажици млеко
- 7 лажици шеќер
- 70 гр путер
- 1 ванила
- 100 гр мелени бисквити
- 110 гр мелени лешници
- за глазура
- 100 гр црно чоколадо
- 1 лажица масло
- 20 гр растопено бело чоколадо
- 20 зрна лешник
Подготовка
Во мала касерола се ставаат шеќерот, млекото, путерот и ванилата да провријаат, 2-3 минути.
Се трга од оган и со мешање се додаваат мелените лешници и мелените бисквити.
Убаво се соединува и уште млаката смеса се нанесува на даска за колачи.
Убаво се израмнува.
Одозгора се прелева со глазурата од црно чоколадо со маслото.
Нека одстои на ладно 2-*3 часа.
Потоа се сече на ленти, па на триаголници.
Секој лешник се потопува со долната страна во белото чоколадо и се декорираат триаголниците со лешник.
Вкусни, брзи колачи, кои ќе ја збогатат празничната трпеза.