Торта со Македонското знаме - посна лешник торта
Состојки
- 2 пандишпани од по
- 500 мл кисела вода
- 250 гр шеќер
- 90 мл масло
- 1 ванилен шеќер
- 80 гр потпечени мелени лешници
- 400 гр брашно
- 1 лажица какао
- 1 прашак за пециво
- 1/2 лажиче сода бикарбона
- Фил
- 400 гр слатка павлака
- 300 мл карамел прелив
- 200 гр мелени посни бисквити
- 80 гр потпечени мелени лешници
Подготовка
Тортава специјално е направив за Македонската забава организирана од Македонското друштво Филип втори во Удине(ИТ). Под знамето се криеше посна, лешник, вкусна тортичка.
Подготовка на пандишпанот
Во сад се става водата, шеќерот, ванилата, маслото и со жица се мешаат додека шеќерот се растопи. Се додаваат и другите состојки, брашното, лешниците какаото, пецивото и содата. Повторно убаво се мешаат да се изедначи смесата и да нема грутчиња.
Смесата се истура во намачкан со масло и набрашнет плех (35х27) и се пече во загреана рерна на 180 степени околу 30 мин.
На истиот начин се подготвува и вториот пандишпан.
Подготовка на филот
Слатката павлака и карамел преливот претходно мора да се оладени во фрижидер и се матат со миксер додека се добие цврст снег. Потоа се додават лешниците и бисквитите и на кратко се матат да се изедначи филот.
На подлога за торта се става едниот пандишпан и се нанесува целиот фил, се рамни и одозгора се става другиот пандишпан.
Целата торта се премачкува со малку изматена слатка павлака и се украсува со нашето државно знаме направено од црвен и жолт фондан.