Испечати

Видео рецепт: Сарамсаклии – Лиснато тесто со прелив од јогурт и лук

Видео рецепт: Сарамсаклии – Лиснато тесто со прелив од јогурт и лук

Состојки

  • За ТЕСТОТО ќе ви треба:
  • 50 гр. маргарин
  • 100 мл. масло
  • 1 квасец
  • 1/2 лажичка сол
  • 500 гр. до 1 кг. брашно
  • 220 мл. топла вода
  • За ПРЕЛИВ ќе ви треба:
  • 500 мл. јогурт или кисело млеко
  • 3-4 чешниња лук

Денес ќе готвиме заедно со Лудо, готвач член на нашата веб-страница. Таа ќе подготви еден од нејзините најпопуларни рецепти, Сарамсаклии – Лиснато тесто со прелив од јогурт и лук.

Сукано лиснато тесто, со прелив од јогурт и лук. Ова е рецепт од паланечкиот крај, кој се вика Сарамсаклии.

Подготовка

Чекор 1: Брашното, квасецот и солта убаво измешајте ги. Потоа додадете го маслото, мешајте убаво и додавајте ја полека водата за да добиете тесто кое нема да се лепи по раце, а ќе биде меко на допир.

Оставете да нарасне двојно поголемо. Замесете го повторно и по потреба попрскувајте со брашно за да не се лепи на рацете.

Чекор 2: Поделете го тестото на мали топчиња и секое топче расукајте го тенко. Целата кора премачкајте ја со маргарин и здиплете ја на половина. Потоа пак премачкајте ја и здиплете ја, и сѐ така додека добиете тесто со големина на дланка.

Чекор 3: Ова тесто расукајте го во кора со дебелина од половина прст, па од него сечете коцки. Од коцките направете пакетче на тој начин што ќе ги соберете и залепите едно за друго краевите.

Чекор 4: Печете ги во загреана рерна на 200 степени, 20 минути, додека заруменат.

Во меѓувреме подгответе го преливот така што ќе ги измешате јогуртот, истолчениот лук и сол по вкус. Штом зарумениле, прелијте ги и вратете ги во рерна да се допечат уште 10 минути.

Чекор 5: Сервирајте парче на чинија и добар апетит!

СОВЕТ: Веруваме дека овој рецепт ќе ви се допадне, бидејќи е комбинација на тесто и јогурт, кои често ги јадеме заедно. Но, посебно ќе го сакаат љубителите на лук!