Шпагети со црвен сос од сланина
Состојки
- 250 грама шпагети
- 50 грама свинска маст
- 150 грама свежи печурки
- 100 грама сланина
- 300 милилитри доматно пире
- 3 чешниња лук
- по вкус морска сол, свеж босилек
- 1 мало лажиче шеќер
Подготовка
Доколку немате време, а сите се многу гладни, еве Ви идеја за брз ручек. Нормално, пак тестенини, затоа што ги обожувам. Но, овој пат, идејата е на мојот сопруг.
Чекор 1
Исецкајте ги печурките и сланината. Стопете ја свинската маст и ставете ги печурките да се пропржат. Потоа додадете ја и сланината.
Чекор 2
Додадете го доматното пире, солта и шеќерот да се издинста сосот. Кога водата ќе испари и сосот ќе згусне, додадете го лукот и босилекот.
И, ручекот е готов.