Пријателски колач со јаболка
Состојки
- За додавање по денови
- 500 гр шеќер
- 500 мл млеко
- 500 гр брашно
- За колачот
- 250 гр брашно
- 250 мл масло
- 3 јајца
- 3 рендани јаболка
- 1/2 лажичка пециво
- 1/2 лажичка сода бикарбона
- 1/2 лажичка цимет
- ореви една рака
- суво грозје една рака
- по желба може и повеќе ореви и суво грозје
Подготовка
Еве ште еден рецепт со маја, подарена од пријателка. Колачот е вкусен, мирисен,со прекрасна структура, па затоа нека стои овде во низата на колачи за среќа или пријателски колачи.
Ти благодарам Александра, колачот е феноменален!
Подготовка
1 ден 250 гр шеќер се додава во мајата и лесно се промешува со дрвена лажица.
2 ден 250 мл млеко се додава и се меша.
3 ден 250 гр брашно убаво се меша.
4 ден се меша со дрвена лажица.
5 ден Се додава 250 гр шеќер, 250 гр млеко, 250 гр брашно и убаво се меша со дрвена лажица
6 ден се дели на 4 дела и 3 дела се делат на пријатели (овој ден само се меша, па се почнува од утредента со деновите).
7 ден Се прави колачот. Се матат јајцата со ванилиниот шеќер, па се додава маслото, па брашното во кое сме ги промешале сода бикарбоната и пецивото, ги додаваме ренданите јаболка (претходно излупени). Зачинуваме со цимет, ставаме дробени или сечкани ореви и суво грозје.
Се пече на 200 степени. Се пробува со чепкалка дали е готово. На крај ставив шеќер во прав врз него.
Не одбивајте маја, најубавите и највкусни колачи се подготвуваат на овој начин =)