Пита со праз,печурки и компири
Состојки
- 500гр. кори
- 2 страка праз
- 3 поголеми компири
- 600гр. маринирани шампињони
- 100мл. масло
- 100мл. кисела вода
- 50мл. бело вино
- со,мешан сув зачин,црн пипер по вкус
- 2 лажички црвена пипер
Подготовка
Најпрво празот ситно го сецкаме и го пржиме заедно со ситно сецканите компири. Додаваме малку масло и откако ќе се испржат малку ги додаваме и печурките. Го додаваме и виното и зачините и пржиме 10 минути. Маслото и водата ги тураме во еден сад.
Земаме една кора и со помош на четче ја премачкуваме со маслото и водата, над неа редиме уште една кора и неа ја премачкуваме и редиме трета кора. Над третата кора на едната страна ставаме од филот и виткаме ролат. Постапката ја правиме со сите кори и ги редиме во намрсен плех. Пред да ги ставиме да се печат корите ги сечиме и уште еднаш ги мачкаме со масло и вода.Печиме на 180 степени околу 20 минути.Кога ќе се испечи ако сакате питата покријте ја,јас лично не ја покрив повкусна ми е кога е покрцкава.