Торта со кафе и мелени ореви
Состојки
- за паниспања
- 3 белки
- 2 цели јајца
- 7 лажици шеќер
- 1 пециво
- 2 лажици брашно
- 3 лажици презла
- 200гр. мелени ореви
- за прелив на паниспањата
- 200мл. млеко
- 2 лажички турско кафе
- за фил
- 3 жолчки
- 3 пудинзи од чоколадо
- 100гр. чоколадо за готвење
- 200гр. шеќер
- 3 лажици ликер од кафе
- 650мл. млеко
- 200гр. путер
- 3 лажици рум
Подготовка
Најпрво го вариме филот. Жолчките ги биеме со миксер и ги додаваме во млекото во кое сме ги раствориле пудинзите и шеќерот. Вариме на тивок оган додека не се згусти филот и потоа го додадаваме и чоколадото и мешаме додека не се стопи. Го оставаме филот да се излади и потоа ги додаваме румот, ликерот од кафе и путерот и биеме со миксер за убаво да се изедначи филот.
За тестото ги биеме прво белките со шеќерот и потоа ги додаваме и целите јајца. Кога убаво ќе се избијат јајцата го исклучуваме миксерот и ги додаваме брашното и презлата заедно со пецивото, мешаме со дрвена лажица и на крај ги додаваме и мелените ореви. Печиме во тркалезно тавче бр.28 обложено со хартија. Кога ќе се испечи тестото го оставаме малку да се излади и го натураме со свареното млеко со кафе(во млекото го ставив кафето и го загреав во микробранова речиси до вриење).Декорирајте по желба.