Буено Торта
Состојки
- За кора
- 10 белки
- 10 лажици шеќер
- 10 лажици брашно
- 200гр. лешници (печени и крупно дробени)
- За фил
- 10 жолчки
- 1,5 литар млеко
- 3 пудинзи од ванила
- 150 гр. шеќер
- 2 пакетчиња ванилин шеќер
- 375гр. маргарин
- 200гр. шеќер во прав
- 100 гр. чоколадо
- 200 гр. еурокрем
- 200гр. бисквити
- 200гр. шлаг крем
- 4 дл. ладна кисела вода
Подготовка
Лешниците се печат и се дробат. Белките се матат во цврст снег и се додава шеќер и матиме дури да се истопи. Се додава брашно и полека мешаме да се соедини.
На хартија за печење се стават лешницитеи преку нив се турваат белките. Се печи на 180 степени 15-20 мин. Печената кора се превртува со лешниците нагоре.
Во 1,3 литар млеко го ставаме ванилинот шеќер и оставаме да зоврие. Во преостанатото млеко ги ставаме жолчките, шеќерот, пудингот и 3 мали лажички брашно. Го тураме во зовриеното млеко и го вариме филот. Се лади со повремено мешање. Маргаринот се мати со шеќер во прав и се додава во филот. Филот се дели на два дела и во едниот дел додаваме растопено чоколадо. Еурокремот се топи и се мачка преку лешниците. Бисквитите се кршат и се редат на еурокремот, па се мачка црн фил па бел фил. Со белиот фил се премачкува целата торта.
Шлагот се мати со кисела вода и се декорира по желба.