Лонец со јунешко
Состојки
- 600 гр јунешки шницли
- 1 кг компири
- 1 главица кромид
- 2-3 моркова
- 10-12 свежи шампињони
- 1/2 л пиво
- 1/2 л вода
- 2-3 листа ловор, вегета, бибер, магдонос
Подготовка
Ова јадење го подготвувам многу често, затоа што многу брзо се прави, а резултатот е одличен. Единствено што ви треба е експресен лонец и во него ги ставате свежите состојки, без запржување, го затворате лонецот и толку...
Најпрво ставете малку масленце на дното од лонецот, компирите исечете ги на поголеми кружни парчиња и наредете еден ред.
Над компирите ставете неколку шницли месо, над нив исечете кромид, ставете морков на лентички, печурки, магдонос и пак повторете ја постапката се додека имате материјал.
Одозгора завршете со компири, зачинете, турете го пивото и водата, ставете малку масло и затворете го лонецот.
Треба да вари отприлика 30 до 35 мин.