Млечни макарони
Состојки
- 1 пакетче (500гр) макарони
- 4 јајца
- 100мл млеко
- 3 лажици павлака
- 150гр сирење
- 40гр (1 пакетче) рендан пармезан
- 100гр кашкавал
- 70гр маргарин
- 2 лажичиња мешан сув зачин
Подготовка
Макароните сварете ги и исцедете ја водата. Во истиот сад ставете го маргаринот и мешаниот сув зачин и мешајте ги макароните додека маргаринот не се стопи.
Изматете ги јајцата и во нив додадете ги млекото, павлаката, пармезанот и сирењето. По желба додадете и бибер.
Макароните ставете ги во сад за печење. Врз нив истурете јас смесата со јајца и промешајте за убаво да се распредели. Одозгора ставете го ренданиот кашкавал и по желба наросете со чили и оригано.
Се пече 15-20 мин на околу 200 степени или додека не добијат златна боја.