Испечати

Зеленчукова супа со кисел карфиол

Зеленчукова супа со кисел карфиол

Состојки

  • 1 пашканат
  • 1 целер
  • 1 домат
  • 1 - 2 моркова
  • 1 компир
  • пола китка магдонос
  • по вкус кисел карфиол од туршија
  • малку масло
  • по вкус сол, мешан сув зачин, црн мелен пипер
  • 1 коцка за супа од зеленчук
  • 2 литра вода

Подготовка

Ова е брза за подготовка и високовитаминска супа. Воедно е и посна. Одлична е за со секој ручек. Особено е добра за љубителите на кисело.

Карфиолот се двои на мали парченца. Магдоносот се сецка, а другите намирници се рендаат. Ренданите намирници се пропржуваат во маслото на тивко. Се додава водата, коцката за супа и се зачинува по вкус. Се вари супата. Десетина минути пред да биде готова се додава магдоносот за да остане релативно свеж. Супата се трга од оган и се додава карфиолот.

Нормално, квалитативниот состав не е ограничен. Може да додадете и друг вид на зеленчук (брокула, лукче, кромид, итн.), како и фиде.

Бон апети!