Бисквит торта со желе, крем бананки и кокос
Состојки
- 300-400 гр бисквити
- 100-150 мл млеко за потопување на бисквитите
- 3 пудинга од ванила
- 900 мл млеко
- 7 лажици шеќер
- 2 ванилин шеќер
- 5 лажици кокос
- 5 крем бананки
- 100 гр желе бомбони
- 1 маргарин
- 2 шлаг крем од ванила
- 200 мл млеко
Подготовка
Оваа брза, непечена, бисквит торта е омилена на мојот дедо, па затоа неговиот 70 роденден го прославивме токму со оваа тортичка, која е превкусна.
Одвојуваме малку од млекото за да ги раствориме пудинзите, а останатото млеко со шеќерот го ставаме на оган. Откако ќе почне да врие ги додаваме пудинзите и вариме додека да се згусти, се трга од оган и се остава да се излади. Откако ќе се олади пудингот, со миксер пенасто го матиме маргаринот и го соединуваме со пудингот. Ги додаваме 5 лажици кокос во кремот и го делиме на два дела. Во едниот дел ги додаваме сецканите крем бананки, а во другиот ги додаваме сецканите желе бомбони.
Бисквитите ги потопуваме во млако млеко и ги редиме по три бисквити во пет реда, нанесуваме од филот со желе, па пак бисквити, па од филот со крем бананки, и на крај пак бисквити.
Шлаг кремот го матиме со млекото и ја декорираме тортата.