Колач од белки
Состојки
- 6 белки
- 200гр. шеќер
- 1 ванилин шеќер
- 130гр. брашно
- 100мл. зејтин
- 40гр. брусница или суво гројзе
- 2 лажици рум
- 40гр. суви кајсии
- 40гр. црна чоколада
- 30гр. сецкани ореви
- малку шеќер во прав
Подготовка
До колку не сте знаеле сакам да ви кажам дека не искористените белки може да ги замрзнувате. Кога имам две три белки ги ставам во пластична чаша и ги замрзнувам. Повторно доколку ми останат ги сипувам врз предходните и замрзнувам.
Колачот кој ќе ви го презентирам има многу убава мека текстура. Убавото сунѓерасто тесто, можеби сувкасто ама пријатно. Посебен шмек му даваат сувото и кандирано овошје.
Подготовка.
1. Сувото овошје натопете го во рум. Чоколадото и оревите исецкајте ги на ситно.
2. Белките изматете ги со миксер, додадете го шеќерот и повторно матете додека не добиете цврста пена.
3. Во белките додадете го брашното и зејтинот мешајте со шпатула и на крај додадете ги оревите,чоколадата и сувото овошје.
4. Калапот намачкајте го зејтин и сипете ја смесата. Печете на 180степени половина час. Кога колачот ќе го извадите оставете го да се излади. Одлепете го со шпатула.
Сервирајте и посолете со шеќер во прав.
Забелешка.
Колачот го подготвував со три белки значи половина доза. Го печев во правоаголната силиконка тава за векни. Со сувото и кандирано овошје може да калкулирате нешто да одземете нешто да додадете. Доколку сакате ставете лешници место ореви или бадеми.
Добар апетит!!!