Мусака од модар патлиџан
Состојки
- 4 модри патлиџани
- 500 гр мелено месо
- 200 гр кисела павлака
- 2 јајца
- 1 китка магдонос
- 2 главици кромид
- 2-3 лукчиња
- 1 лажица мешан сув зачин
- прстофат оригано
- 1 лажица буковец
- 2 моркова
- 100 гр кашкавал
- масло по потреба
Подготовка
1. Кромидот и морковот се сечка на ситни парчиња и се пропржува на масло. Се додава меленото месо и тоа убаво се упржува. Лукчето го сечкаме на ситно и го ставаме при крај на пржењето заедно со зачините и ситно сечканиот магдонос.
2. Модриот патлиџан го лупиме и го сечеме на ленти со дебелина од 2 см. Го бланшираме кратко време во посолена вода да омекне и да му излезе горчината.
3. Во огноотпорен сад или тава по желба која ја намрсуваме, ставаме половина од лентите модар патлиџан. Врз нив го ставаме меленото месо, па вториот дел од лентите. На крај залеваме со кисела павлака во која сме ги разматиле јајцата.
4. Рендаме кашкавал одозгора.
5. Печеме со капак во рерна на 200 степени. При крај го отвораме капакот да ни се поцрвени ручекот и да испари вишокот течност.
5. Кратко го ладиме и сервираме со лажичка пармезан.