Испечати

Видео рецепт: Студентски колач

Видео рецепт: Студентски колач

Состојки

  • 150 гр. суви смокви
  • 250 гр. суво грозје (Или вкупно 400 грама суво овошје по желба)
  • 50 гр. шеќер
  • малку рум
  • 5 белки
  • 200 гр. шеќер
  • 1 лист обланда
  • шеќер во прав за посипување

Фичо ќе го подготви рецептот на Лилјана Илиева, кој таа го нарече Студентски колач.

Подготовка

Чекор 1: Сувите смокви исечкајте ги ситно. Измешајте ги со сувото грозје, додадете го шеќерот и румот и оставете ги да отстојат 20 минути. По 20 минути исцедете ги убаво.

Чекор 2: Во сад за матење ставете ги белките и изматете цврст снег, а потоа додадете го шеќерот.

Чекор 3: Исцеденото овошје додадете го во снегот од белки и мешајте со шпатула додека да добиете изедначена смеса.

Чекор 4: Во големиот плех од Делимано ставете еден лист обланда и прелејте ја со колач смесата.

Печете во загреана рерна на 180 степени, околу 20 минути.

Сервирајте коцки, посипани со малку шеќер во прав.

СОВЕТ: Овој рецепт е едноставен за подготовка, но резултатот е многу вкусен колач. Пробајте го и кажете ни ги впечатоците .