Потпечени јувки со суџук
Состојки
- 500 гр домашни јувки
- 1 кисела павлака (200 гр)
- 300 гр суџук
- 300 гр ситно сирење или урда
- 4 јајца
- масло по потреба
Подготовка
Јувките се варат во солена вода, да омекнат. Ги цедиме и половината од нив ги ставаме во намрсена тава. Урдата ја мешаме со две јајца. Суџукот го пржиме сечкан на кругови или како сакате, па го сечкаме на коцки. Го ставаме во урдата и смесава ја истураме врз варените јувки. Потоа ја ставаме втората половина од јувките. Најпосле залеваме со две јајца со кои сме соединиле една павлака. Печеме во загреана рерна на 200 степени, да се запечат и малку поцрвенат.