Испечати

Проја од интегрално брашно со фил

Проја од интегрално брашно со фил

Состојки

  • Тесто (користена е чаша од 150 милилитри)
  • 3 јајца
  • 1 чаша маслиново масло
  • 2 чаши кисела вода
  • 3 чаши јогурт
  • 1 чаша палента
  • 2 чаши пченкарно брашно
  • 3 чаши интегрално брашно
  • 1 прашок за печиво
  • 300 грама сецкано кравјо сирење
  • 100 грама сецкани маслинки без семка
  • Фил
  • 500 грама спанаќ
  • 1 - 2 главици кромид
  • малку сол
  • малку масло

Подготовка

Ова е рецепт изваден од ризницата на мајка ми со мои мали измени.

Намирниците за тестото се матат со миксер. Се додаваат сирењето и маслинките и смесата рачно се промешува. Две третини од тестото се ставаат во подмачкано тавче и се пече на 180 степени додека да зацврсне тестото.

Потоа се додава филот кој се подготвува на следниот начин. Кромидот се сецка и во тава со масло се пропржува на тивок оган. Се додава спанаќот и се пропржува да омекне малку. Се додава сол по вкус. По желба може и некој друг зачин да се додаде.

Потоа се става и остатокот од тестото и се допекува пројата на 180 степени.

Јас ја сечам на коцки и овој пат коцките ги украсив со павлака.

Исто така, филот може да се подготви и од штавељ или тиквици.

Во комбинација со јогурт ова е многу вкусен, здрав и брз за подготовка појадок.