Двобојна обланда

Подготовка

Започнуваме со подготовка на светлиот фил.
Жолчките ги матиме со двата вида на шеќер, додека станат пенести, кремасти, смесата побели, стане светла и волуменот се зголеми неколку пати. Потоа се продолжува над пареа да се мати, додека кремот ја добие потребната густина. Јас го практикувам методот тенџере над тенџере и варам 15мин. Кога е готов, го оставаме да се лади.
За тоа време го матиме маргаринот, пенесто, додека убаво не побели. Ги мешаме двете смеси додавајки од изладените жолчки во маргаринот и на крај го додаваме кокосот. Убаво изедначуваме. Оставаме во фрижидер.

За темниот фил ги матиме белките со постепено додавање на шеќерот во густ и цврст шам. Ги додаваме оревите и бисквитите, мешаме и на крај чоколадото.

Филовањето оди наизменично, темен па светол фил. Филовите ги делима на два дела и над секој лист нанесуваме од половинките фил. Обландите најдобро е да се редат на плех, послужавник или тацна од пластично ѕвоно. При ставање на нова обланда, треба убаво нежно да измазниме, како кога местиме чаршав на маса. Темниот фил е послаб по конзистенција и затоа треба да се внимава при притискањето да не ни излегува фил од страните. Последната кора не се филова.
Се завиткува обландата со фолија за свежо и се остава на ладно место да се стегнат филовите. После неколку часа им ставаме благ товар, за поубаво да се слепат обландте со филот. Така нека преноќи.

Другиот ден се прави глазурата, на тој начин што над пареа се топат сите состојки и изедначуваат. Малку нека здивни и топол се нанесува на обландата. Ова е за полевање на половина обланда. Ако сакате цела да ја прелиет, дуплирајте ја. Мене искрено попрактично ми е да не е со глазура.
Уживајте!!!