Кари со слатко од смокви и басмати ориз со бадеми и суво грозје
Состојки
- 1кг пилешки стек
- 1 кромид
- 2 лукчиња
- 50гр путер
- 3 каранфилчиња
- 1/4 мускатно оревче
- 1/2кутија кари прав
- 2 лажици слатко од смокви
- 200мл павлака за готвење
- 1 лимон
- 1 лажица доматно пире
- 200 гр басмати ориз
- 50гр суво грозје
- 50гр непечени бадеми
- 50гр ореви
- 1/2лажичка куркума
Подготовка
На путер се пржи кромидот сечен на полу месечинки, се додава стекот сечен на коцки, лукот и каранфилчињата и се запржува убаво па се додава вода колку да покрие и се вари на тивко 20мин. Откако ќе испари водата се вадат каранфилчињата и се додава доматното пире, карито, мускатното оревче, бибер, сол, слаткото од смокви и лимонот сечен на коцки со кора.
Се запружува убаво па се додава една чаша вода и се вари усте 10 мин. Се вади лимонот и се додава павлаката.
Една чаша ориз се вари во две чаши вода со пола лажиче куркума. Кога ќе се свари оризот се додаваат сувото грозје, бадемите и оревите.