Солени кошнички со пармезан
Состојки
- Тесто за кошничките
- 100 гр путер
- 200 гр брашно
- 1 мало јајце
- 1/4 лажиче сол
- 1/4 лажиче прашак за пециво
- прстофат црн пипер
- Фил од пармезан
- 150 гр пармезан
- 2 жолчки
- 50 мл павлака за готвење
- За декорација
- 10-на зрна бело грозје
- 16 јатки од орев
Подготовка
Подготовка на кошничките
Во сад ставете ги сите состојки за тесто и замесите мазно и нелепливо тесто. Ако е потребно при месењето додајте уште брашно за да не се лепи.
Од тестото на набрашнете површина развлечите кора дебела 4-5 мм и со голема чаша вадите кругови. Секој круг ставајте го во метални калапчина за кошнички, израмнете го со прстите и малку избоцкајте ги со вилушка.
Тестото се премесува додека се потроши.
Ставете ги да се печат во загреана рерна на 180 степени околу 15-мин да добијат жолтеникава боја.
Оставете ги да оладат и потоа полнете ги со филот.
Подготовка на филот
Измешајте ги пермезанот и жолчките и ставете ги на пареа да се топат. Додајте ја павлаката за готвење и мешајте додека се добие изедначена течна смеса.
Одма додека е топла полнете ги кошничките и одозгора наредете по јатка орев и од зрната грозје исечени на кругчина.
Пред служење чувајте ги во фрижидер.