Видео рецепт: Ролат Медено срце
Состојки
- За ТЕСТО ќе ви треба:
- 8 јајца
- 8 лажици шеќер
- 6 лажици брашно
- 1/2 пакетче прашок за пециво
- 2 лажици какао
- 1/2 пакетче цимет
- За ФИЛ ќе ви треба:
- 6 лажици џем од црни сливи
- 2 лажици рум
- За ПРЕЛИВ ќе ви треба:
- 100 гр. црно чоколадо
- 2 лажици масло
Денес ќе готвиме заедно со Марија, готвач член на нашата веб-страница. Марија ќе подготви еден од нејзините најпопуларни рецепти, Ролат Медено срце.
Шарен ролат со џем од црни сливи и чоколадо, со вкус на Медено срце!
Подготовка
Чекор 1: Јајцата и шеќерот изматете ги пенесто, додадете го брашното, прашокот за пециво и убаво промешајте. Во тавата истурете 1/3 од смесата. Во преостанатиот дел додадете го какаото, убаво соединете го и сипете ја темната смеса врз белата.
Печете во загреана рерна на 200 степени 15 минути, или проверете со чепкалка, кога ќе излезе сува.
Чекор 2: Печеното тесто завиткајте го во влажна крпа и оставете го да се излади.
Џемот од сливи и румот убаво изблендирајте ги. Премачкајте го рамномерно изладеното тесто. Завиткајте го во ролат.
Чекор 3: Чоколадото и маслото растопете ги на пареа и премачкајте го ролатот.
Чекор 4: Може да сервирате и веднаш, или да почекате да се излади и да се спои ролатот.
СОВЕТ: Има вкус сличен на колачињата Медено срце. Полнењето со џем ќе зависи од вашиот вкус.