Цигански кох
Состојки
- Пандишпан
- 3 јајца
- 12 лажици шеќер
- 12 лажици масло
- 12 лажици млеко
- 14 лажици брашно
- 1 лажица какао
- 1 пакетче прашак за пециво
- Прелив
- 500 мил млако млеко
- 12 лажици шеќер
- 1 тегла џем/мармалад/слатко
- 500 мил слатка павлака
Подготовка
Едно благичко кое мајка ми често го правеше кога бев мала. Можеби затоа ми е омилен кох! Не знам од каде потекнува, се размислував и дали е во ред името, но на крајот заклучив дека волку вкусен колач не би навредил никого, а сепак тоа му е името, а нели ние, не сме за промена на името...
Најнапред се матат јајцата и шеќерот, а потоа се додаваат маслото, млекото, брашното, пецивото и какаото. Тестото се истура во округло тавче и се пече на 180 степени.
Оладениот колач се полева со млако млеко во кое се растворени 12 лажици шеќер. Од кога убаво ќе се впие и олади, се мачка со џем (овојпат користев џем од џанки). На крај се става изматената слатка павлака или шлаг.
Уживајте!