Ориз со колбаси и брокула
Состојки
- 200гр. ориз
- 2 свежи мисиркини колбаси
- 120гр. брокула
- 1 главица кромид
- 1 морков
- 1 помало стебленце целер
- 1 црпалка зеленчукова супа
- 1 лажица сецкан магдонос
- 1/4 лажичка куркума
- по потреба масло, мешан сув зачин , црн бибер
Подготовка
Оризот сварете го и исцедете го убаво од водата.
Во тава на оган ставете масло и додајте ги сецканиот кромид, сецканиот целер, ренданиот морков и цветовите брокула.
Откако ќе се запржат додајте ги колбасите исцепкани на мали парчиња.
Пропржете додека колбасот ја смени бојата, па додајте ја супата и оставете на тивко да прокрчка.
Откако супата ке изврие додајте го сварениот ориз, сецканиот магдонос и куркумата.
Зачинете со мешан сув зачин и црн бибер, измешајте и послужете со свежа салата.