Торта со три фила и ореви
Состојки
- Пандишпан
- 12 белки
- 12 лажици шеќер
- 6 лажици брашно
- 1 пециво
- 150 гр сецкани ореви
- Фил
- 1 л млеко
- 10 лажици шеќер
- 2 ванилин шеќер
- 12 жолчки
- 10 лажици брашно
- 250 гр маргарин
- 1 црно чоколадо
- 1 бело чоколадо
- 100 гр сецкани ореви
- Декорација
- 2 шлаг пени
- 200 мл млеко
Подготовка
1. Во тенџере на оган се става млекото и шеќерот. Настрана во сад се одзема малку од млекото и се меша заедно со жолчките и брашното, па откако млекото ќе почне да врие, во тенок млаз се додава смесата од жолчки и брашно и се меша додека се згусти смесата, како за пудинг. Откако ќе ја добие потребната густина се трга настрана и се остава да се излади. Со миксер пенасто се мати маргаринот и се соединува со претходно оладениот фил. Филот се дели на три дела, во едниот се додава растопено бело чоколадо, во другиот растопено црно чоколадо, а во третиот се додаваат оревите.
2. За пандишпанот се матат белките со постепено додавање на шеќерот. Откако убаво ќе се изматат се додаваат останатите состојки и се промешува со лажица. Смесата се става во плех од ел. шпорет обложен со хартија за печење и се пече на 180 степени, 20 минути. Откако ќе се испече и олади пандишпанот се сече на три дела.
3. Филување- се става едната кора, врз неа чоколадниот фил, па втората кора, па филот со ореви, па третата кора и врз неа филот со бело чоколадо. Целата торта се премачкува со шлагот кој се мати со млекото.
4. Тортата е преубава и богата со фил.