Палачинки со фил од јаболка
Состојки
- Смеса за палачинки
- 500 мл млеко
- 3 јајца
- 350 гр брашно
- 2 лажици шеќер
- 1 ванила
- 50 гр стопен и оладен путер
- изрендана кора од портокал
- Фил
- 1 кг јаболка
- 120 гр кафеав шеќер
- 100 гр суво грозје
- 2 лажици пињоли (може и без нив)
- 60 гр путер
- исцеден сок од пола портокал
- 1/2 лажиче цимет
- Прелив - декорација
- 1 полна лажица нутела
- 3 лажици млеко
Подготовка
Најпрво подгответе ја смесата за палачинки
Во сад ставете сите состојки и со миксер изматете ги да се добие изедначена смеса. Покријте ја со проѕирна фолија и оставете ја во фрижидер.
Подгответе го филот од јаболка
Сувото грозје ставете го во вода малку да омекне.
Јабојката излупете ги, исечете ги на четвртинки и секоја четвртинка на парчина дебели по 4-5 мм. Ставајте ги во ладна вода во која сте додале исцеден сок од лимон за да не потемнат.
Во тава на оган ставете ги путерот и шеќерот и оставете ги да се стопат. Додајте ги јаболката и измешајте. Потоа додајте ги сувото грозје, пињолите, сокот од портокал, циметот и едно мало филџанче вода. Оставете ги да се динстаат додека течноста испари и јаболката омекнат. Повремено нежно мешајте ги за да останат цели, да не се направат како каша.
Кога се готови тавата трнете ја на страна и испечете ги палачинките.
Од оваа смеса јас направив 10 палачинки.
Земете една палачинка и на пола ставите по 1-2 лажица од филот и поклопете ја. Ставите уште 1 лажица пак на половина и поклопете ја како триаголник.
Или едноставно, на секоја палачинка на крајот нанесите од филот и завиткајте ја во ролна. И така додека ги потрошите.
Одозгора попрскајте ги со преливот така што во тава на тивок оган ќе ја стопите нутелата со млекото да добиете течна смеса.