Похуван пилешки стек со грашок и пире од компири
Состојки
- 1 пилешки стек
- 200 грама грашок
- 3-4 варени компири - направени во пире на редовен начин
- За похување
- 1 јајце
- 50 грама брашно + сол
- 50 грама лебни трошки + пармезан
Подготовка
Според мене, ова е еден одличен пример за убава презентација на едноставно јадење, кое речиси сите го подготвуваме за ручек. Мојот похуван пилешки стек се разликува од останатите што во лебните трошки има пармезан - главна пичина за убавата златна боја која ја добива стекот при похување.
Прво, направете пире од компирите, а грашокот сварете го и додека е топол зачинете со со сол, бибер, маслиново масло и балсамико.
Стекот исчукајте го да биде тенок и извалкајте го прво во брашно, па во јајце и на крај во презла.
Пржете во тенџере со поголема количина масло додека да порумени и биде испржен од внатре.
Сервирајте на чинија, прво ставете го пирето на средина, па похуваниот стек врз пирето, од страна грашокот, а врз стекот ставете малку таратур или павлака.