Ќофтиња од бајат леб и тиквичка
Состојки
- 120гр. бајат леб
- 1 помала тиквичка
- 2 јајца
- 1 лажичка сецкан магдонос
- 2-3 лажици пармезан
- 1/4 лажичка куркума
- 1/4 лажичка копар
- по потреба мешан сув зачин, црн бибер
Подготовка
Лебот искинете го на мали парчиња.
Додајте ја ренданата тиквичка, јајцата, магдоносот, пармезанот, куркумата и копарот.
По потреба додајте мешан сув зачин и црн бибер и со рака убаво умесете ги состојките.
Со намрснати раце земајте од смесата и формирајте ќофтиња.
Пржете ги во загреано масло додека убаво заруменат.
Ние ги јадевме со мешавина од јогурт и малку мајонез со ситно сецкан власец, но можете и само со јогурт, павлака, кисело млеко..