Палента со месо и колбаси во сос
Состојки
- За сосот
- 300 гр свинско месо
- 300 гр свежи колбаси
- 2 средни главици кромид
- 1 чешне лук
- 1 морков
- 2 листа ловор
- 2 лажици магдонос
- 250 мл доматно пире
- 500 мл вода
- 1 мало лажиче пипер
- 50 мл вино
- по вкус сол и бибер
- За палентата
- 1,2 л вода
- 250 гр палента
- 3 лажици масло
- по вкус сол
Подготовка
Месото и колбасите исечете ги на помали парчина и ставете ги во тава со малку масло. Пржете ги неколку минути да добијат црвенкаста боја.
Кромидот, морковот и лукчето исецкајте ги и додајте ги во тавата. Заедно пржете уште неколу минути. Потоа додајте го виното, водата, ловорот магдоносот, пиперот, биберот и сол по вкус. Измешајте и оставете го да вари на среден оган додека течноста испари, но не целосно. При крај кога останало малку течност додајте го доматното пире измешајте и оставете го да вари уште 15-ина минути да се згусти сосот.
Кога е готово оставете го покриено на страна и подгответе ја палентата.
Водата со солта и маслото ставете ја да зоврие. Постепено додавајте ја палентата и со дрвена лажица постојано мешајте додека се згусти.
Истурете ја во плехче намачкано со масло и израмнете ја.
Оставете ја малку да олади, исечете ја на квадрати и послужете ја со подготвеното месо.