Печени ќофтиња со кашкавал
Состојки
- За ќофте
- 600 гр мелено мешано месо
- 3 компири
- 2 јајца
- 2 рендани главици кромид
- 1 и 1/2 пециво
- 7 лажици брашно
- 1 лажица мешан сув зачин
- 1 лажица буковец
- 3-4 лажици лебни трошки
- сол, бибер, прстофат сушено нане по вкус, и други зачински билки по желба
- За фил
- 200 гр рендан кашкавал
- 2 јајца
Подготовка
Вкусни ќофтиња, меки по состав и лесни за подготовка. Од оваа смеса излегуваат многу, ама доволно за мојата фамилија. Инаку вистинскиот рецепт е со половина од оваа доза. Вие прилагодете си ја дозата според ваша проценка.
1. Компирите излупете и изрендајте ги.
2. Од состојките за ќофте замесете убава смеса. Ако ви е недоволно цврста, додадете лебни трошки, во поголема количина од напишаната. Пожелно е да ја оставите во фрижидер неколку часа.
3. Потоа формирајте ќофтиња кои ќе имаат вдлабнатина во средината, налик на гнезда.
4. Ќофтињата ставете ги во подмачкан плех или на хартија за печење.
5. Во секое ќофте ставајте од филот (рендан кашкавал измешан со јајца).
6. Тавчето прекријте го со алуминиумска фолија и печете во добро загреана рерна на 200 степени, околу 20 минути. Потоа отстранете ја фолијата и печете уште 10 минути.