Полжавчиња со колбаси
Состојки
- За тесто
- 1 кг брашно
- 2 шољи масло
- 1 сув квасец
- 1 лажичка сол
- 4 лажици шеќер
- 250 мл млака вода
- 350 мл млако млеко
- За фил
- 200 гр колбаси
- 150 гр сирење
- 2-3 лажици кечап
- прстофат оригано
- За премачкување
- 1 јајце, сусам
Подготовка
1. Од состојките за тесто се замесува средно меко тесто и се остава да стаса додека да се дуплира.
2. Се размесува и се дели на два дела. Од секој дел се расукува кора во форма на квадрат.
3. Кората ја мачкаме со кечап, рендаме сирење врз неа и распоредуваме коцки од сечканите колбаси, па се посипува со оригано.
4. Се витка кората во ролат и од неа се сечкаат парчиња, кои се редат во подмачкан плех или пак на хартија за печење.
5. Се оставаат да стасаат некои 10-15 минути, се мачкаат со разматено јајце, се посипуваат со сусам и се печат во претходно загреана рерна на 220 степени.
Пријатен апетит!
Шољата е од 100 мл.