Пица од палента со 4 вида сирење
Состојки
- 375 гр палента
- 1,5 л вода
- 2 лажици путер
- по вкус сол
- Фил за одозгора
- 120 гр моцарела исецкана на мали коцки
- 120 гр горгонзола (плаво сирење)
- 120 гр рендан кашкавал
- 3 лажици пармезан
- 4-5 полни лажици доматно пире
- по потреба оригано
- по потреба масло за мачкање на плехот
Подготовка
Водата со солта и путерот се става да зоврие. Откако ќе зоврие постепено се додава палентата и се меша со жица. Се вари околу 4-5 мин.
Се истура во плех намачкан со масло и се рамни. Се остава малу да излади.
Палентата се премачкува со доматното пире и над него се ставаат сите вида на сирење.
Се става да се печи во претходно загреана рерна на 200 степени околу 15-20 мин. убаво да се стопи сирењето.
Се вади од рерна и се посипува со малку оригано, се остава малку да олади и се служи.