Колач со срцевина од маскарпоне
Состојки
- 150гр. брашно
- 30гр. какао
- 180гр. шеќер
- 2 јајца
- 50мл. масло
- 1филџан(од 120мл) млеко
- 1 пециво
- 1 ванила
- прстофат сол
- 250гр. маскарпоне
- 50гр. шеќер во прав
Подготовка
Во сад за матење ставете ги јајцата, шеќерот, ванилата и прстофат сол.
Матете додека смесата стане пенеста.
Намалете го миксерот на најмала брзина и додајте ги млекото и маслото.
Проматете уште малку.
На крај додајте го брашното измешано со пецивото и какаото.
Измешајте со жица, да не останат грутки.
Во посебен сад убаво измешајте го маскарпонето со шеќерот во прав.
Во калап за куглоф (претходно премачкан со масло) ставете 3/4 од изматената смеса.
Потоа ставете го маскарпонето и на крај остатокот од смесата.
Печете на 180 степени, 40-45 минути.
Испечениот и оладен колач извадете го од калапот и посипете со шеќер во прав.