Пилешко во прстен од ориз
Состојки
- 500 гр. ориз со долго зрно
- 500 гр. пилешки стек
- 1 крем супа од печурки
- 4-5 ленти пршута
- 250 мл. кисела павлака (ако не сакате не мора)
- малку сув магдонос
- 250 гр. свежи шампињони (ако имате ако не немора)
Подготовка
Оризот го вариме во вода која по количина е дупло. Јас го истурив во голема мерилка го измив во неа, а потоа го претурив во тенџерето и во мерилката наполнав вода дупло од неговата зафатнина. Кога ќе ја испие целата вода е готов, зачинете го само со не солена мешавина од зачини.
Пилешкото го пржиме исецкано на коцки и него го зачинуваме со несолени зачини. Кога е испржено ја додаваме и на ленти исецканата пршута само кратко да пушти мирис. Ја истураме кесичката крем супа од печурки и налеваме со вода, по малку додаваме со цел да ја постигнеме саканата густина. Оставаме да се крчка неколку минути. Кога е готово ја додаваме и павлаката. Убаво промешуваме.
Го поделуваме оризот во четири големи чинии. Па со влажна лажица оформуваме прстени од ориз. Потоа од сосот со пилешко ставаме во средината на прстените. Најгоре поросуваме сув магдонос.
Добар апетит!