Чорба од морков и леќа со ким

Подготовка

Подготовка на чорбата

За подготовката на оваа чорба, најпрво се потпекува кимот на оган без додавање на масло. На тој начин се ослободуваат етеричните масла од кимот и и даваат прекрасен вкус на оваа чорба. Потпечете ги сите 3 лажици одеднаш, 1-та е за чорбата, 2-та за посипување, а 3-та за лепчињата.
Кога ќе почнат да поскокнуваат семките и кога ќе го осетите мирисот на кимот, тогаш се готови. Во тенџерето оставете само една лажица ким, додадете масло, сецкан кромид и се запржете додека кромидот не омекне.
Потоа се додава ренданиот морков (на крупната страна на рендето) и тој се запржува.
На крај се додава леќата, се налева со вода (или супа) и се остава да се вари додека не се свари леќата. Не додавајте многу вода, само колку што е доволно да се свари леќата.
Кога е готова, испасирајте ја чорбата и сега додадете дополнително вода зависно од тоа колку густа чорба сакате. Додадете павлака, сол и бибер, оставете ја чорбата да проврие и може да ја служите. Послужете ја заедно со лепчињата со ким.

Подготовка на лепчињата

Од наведените состојки замесете меко тесто и оставете го да одстои 15-20 мин. Ако ви е потребно дополнително брашно, додадете меѓутоа внимавајте тестото да остане меко. Потоа поделете го го отприлика на 6-8 делови, расукајте ги на дебелина 3-4 мм и печете ги во тава за палачинки без масло.