Едноставен тробоен колач
Состојки
- Пандишпан
- 7 белки
- 7 лажици шеќер
- 7 лажици брашно
- на врв на лажичка пециво
- Фил 1
- 500мл. млеко
- 7 жолчки
- 2 пудинга од ванила
- 3 лажици шеќер
- Фил 2
- 500мл. млеко
- 2 пудинга од шумско овошје
- 3 лажици шеќер
- Други состојки
- 1 маргарин
- 250гр. шеќер во прав
- 350мл. слатка павлака
- 80гр. чоколадни капки
Подготовка
Пандишпан
Во сад за матење ставете ги белките и шеќерот.
Откако убаво ќе се изматат додајте го постепено брашното измешано со пецивото и внимателно мешајте со дрвена лажица.
Смесата претурете ја во правоаголен плех, претходно намрснет и посипан со брашно.
Печете на 180 степени додека благо порумени. За да сте најсигурни дека е печена проверете си со чепкалка.
Фил 1
Измешајте го пудингот со шеќерот и малку од млекото.
Останатото млеко ставете го да се загрее.
Откако ќе дојде до степен на зовривање ставете ги постепено жолчките и мешајте постојано. Додајте го и растворениот пудинг и мешајте додека се згусти.
Оставете го филот да се олади.
Фил 2
Растворете го пудингот и шеќерот со малку млеко.
Останатото млеко оставете го да се загрее, па додајте го растворениот пудинг.
Мешајте додека се згусти, а потоа тргнете од оган и оставете да се олади.
Маргаринот изматете го со шеќерот во прав.
Поделете го на 2 дела.
Едниот дел ставете го во првиот фил, а другиот дел во вториот фил.
Изматете ја посебно и слатката павлака.
Врз оладениот пандишпан ставете го првиот фил, потоа вториот фил и на крај изматената слатка павлака.
Посипете со чоколадни капки и оставете го колачот неколку часа во фрижидер.