Клуб сендвич со вафли
Состојки
- 4 солени вафли
- 100 грама шунка
- 100 грама кашкавал
- 1 домат, исечкан на тркалца
Подготовка
За овој сендвич бев инспирирана од менито на еден кафич. Таму цело мени им е со вафли во милион комбинации, слатки и солени, па си реков, ајде и јас ќе направам еден клуб сендвич со вафли, наместо со лепче.
Прво, направете ги вафлите, но не заборавајте дека не треба да ставите шеќер.
Земете две вафли, едната намачкајте ја со мајонез, наредете листови марула, шунка, малку сенф, кашкавал, домати и преклопете со второто парче вафла. Пресечете на два дела по дијагонала и прицврстете со чепкалка на која ќе боцнете маслинка.
Сервирајте со кечап и чипс.