Чизкејк со малини
Состојки
- Основа
- 100гр. мелени ореви
- 200гр, мелени бисквити
- 200гр. шеќер
- 100мл. млеко
- 125 гр. путер
- 100гр, бело чоколадо
- Полнеж
- 500мл, слатка павлака
- 5 лажици шеќер
- 250гр. Маскарпоне
- Глазура
- 1 пакетче ванилин шеќер
- 1 лажица екстракт од рум
- 200мл. вода
- 5 лажици шеќер
- 300гр. малини
- 1 пакетче желатин
Подготовка
Сум пробала многу варијанти на чизкејк и оваа ми е најдобра. Можеби ќе ви изгледа дека има многу постапки, но на крајот ќе уживате во подготвеното.
1. На тивок оган го ставаме шеќерот, путерот и млекото. Во подлабок сад ги мешаме бисквитите, оревите и ренданото бело чоколадо. Кога шеќерот се растопи во смесата со путерот ги тргаме од оган и така со така топлата смеса ги полеваме бисквитите. Месиме до хомогена смеса. Потоа истата ја распоредуваме во калап по желба.
2. Во подлабок сад ги матиме маскарпонето и шеќерот, се додека шеќерот не се растопи. Во друг сад ја матиме слатката павлака до цврст снег, а потоа ги соединуваме двете смеси. И оваа смеса ја распоредуваме во калапот и го ставаме во фрижидер да се стегне.
3. Во тенџере на оган ги ставаме малините, шеќерот, ванилиниот шеќер и водата и вариме со повремено мешање додека шеќерот не се растопи и целата смеса не почне да врие. Ги тргаме од оган и во нив ги додаваме желатинот и екстрактот од рум. Чекаме да оладат до собна температура, но не и да се зацврстат.
4. Чизкејкот го полеваме со глазурата и го враќаме во фрижирдер барем на 1 час за да се стегне.
Уживајте!