Ледени цимет коцки
Состојки
- Пандишпан
- 7 јајца
- 7 лажици шеќер
- 3 лажици какао
- 7 лажици брашно
- 1 лажичка цимет
- прстофат мелено каранфилче
- на врз на лажичка пециво
- Крем
- 1 литар млеко
- 9 лажици шеќер
- 9 лажици густин
- 1 маргарин
- 250гр. шеќер во прав
- 1 ванила
- За попарување на пандишпанот
- 300мл. вода
- 300гр. шеќер
- Прелив
- 150гр. чоколадо за готвење
- 2 лажици шеќер
- 4 лажици вода
- 2-3 лажици масло
Подготовка
Најпрвин пенесто изматете ги јајцата и шеќерот.
Во сад измешајте ги брашното, какаото, циметот, каранфилчето и пецивото.
Постепено од оваа смеса на суви состојќи додавајте во изматените јајца и мешајте со жица.
Смесата за пандишпан истурете ја во правоаголен плех, претходно премачкан со масло и набрашнет.
Печете на 180 степени.
Испечениот пандишпан оставете убаво да се олади.
Крема
Во тенџере на оган ставете го млекото и шеќерот.
Откако шеќерот ќе се растопи додајте го густинот, растворен со малку млеко и мешајте додека кремот се згусти.
На крај додајте ја ванилата.
Оставете кремот да се олади, а потоа соединете го со претходно изматениот маргарин со шеќерот во прав.
Во друго тенџере на оган ставете ја водата и шеќерот да провријат, не повеќе од 5 минути и попарете го добро изладениот пандишпан.
Прелив
Во сад на оган ставете го чоколадото, шеќерот, водата и маслото да се растопат.
Врз попарениот пандишпан нанесете ја кремата и прелијте со преливот.
Оставете го колачот преку ноќ да отстои во фрижидер.