Испечати

Брза посна домашна нутела збогатена со бадеми

Брза посна домашна нутела збогатена со бадеми

Состојки

  • 1 1/2 чаша лешници
  • 1/2 чаша бадеми
  • 6 лажици какао (или чоколадо во прав)
  • 1/2 чаша шеќер во прав
  • 1 чаша маслиново масло (ако сакате да биде потечно, може и повеќе)
  • 1 лажиче природен екстракт од ванила
  • прстофат сол

Подготовка

За 15 минути, задоволни лица на вашите драги. ^_^
Ова е поздрава верзија на нутелата, а, за вкусот, пробајте, едноставно прекрасно.

1. Лешниците и бадемите убаво се блендираат, додека не изгледаат како путер, отприлика 5 мин. Јас користев свежи.

* Може да ги ставите во една крпа и да ги исситнете со удариње со чекан. Овој пат јас решив да го направам така и ми се допадна. Вкусно е со малку покрупни парчиња, крцкаат и даваат посебно задоволство.

2. На смесата од лешници и бадеми се додаваат останатите состојки и се блендира. Ако ви е премногу густо со чаша масло, слободно додајте си малку повеќе.

Вака приготвено, може да стои и неколку месеци, ама не верувам дека нема да биде изедено толку долго. Предноста е што оваа варијанта е природна, поевтина и може да се искористи во многу рецепти.