Брза пита-пица
Состојки
- 5 јајца
- 1 лажиче сол
- 300 мл јогурт
- 140 мл масло
- 1 пециво
- 1 ,5 чаши бело брашно
- 1/2 чаша ржано брашно
- 80 гр кашкавал или бело сирење
- 80 гр сецкана шунка
- 1 рендан морков
- 10 исчистени од семки маслинки
- 1/2лажиче оригано
- сусам, оригано за посипување
Подготовка
(Потребно е 2 чаши од 250 мл брашно)
Изборот е ваш, може да се користи и само бело брашно.
Одлична пита погодна за изненадни гости, за доручек, вечера.....
Многу брза за спремање.
Прво се матат јајцата со солта, се додаваат јогуртот, маслото, пецивото, брашното и останатите состојки.
Убаво сето се промешува.
По желба може да се додадат и парчиња суви домати.
Смесата се истура во плех, мала ростер тава, се посипува со сусам и оригано и се печи оклу 40 минути.
Нека се излади, па се сечи и се сервира.