Ролнички со фил од праска
Состојки
- За тесто
- 2 чаши млеко
- 1/2 чаша масло
- 1/2 чаша шеќер
- 1 коцка квасец
- 4 1/2 чаши брашно
- 1/2 лажичка пециво
- 1/2 лажичка сода бикарбона
- 2 рамни лажички сол
- 4 лажици путер за премачкување
- За трошки
- 3/4 чаша брашно
- 3/4 чаша овесни снегулки
- 2/3 чаша светло-кафеав шеќер
- прстофат сол
- 120 гр. путер
- 1/2 лажичка цимет
- 1/2 чаша сецкани несолени бадеми
- За фил од праска
- 4 зрели праски
- 1/4 чаша шеќер
- 1 лажичка екстракт од ванила
- 2 лажички густин
- За глазура
- 1 чаша шеќер во прав
- 2 лажици млеко
Подготовка
За подготовка на тестото
1. Млекото со шеќерот се загреваат да бидат млаки. Се додаваат во садот со квасецот и се растопува. Се додаваат 3 чаши брашно и убаво се мешаат со лажица. Се покрива садот и се остава да стаса тестото.
2. Преостанатите состојки се мешаат и заедно со маслото се додаваат во тестото и убаво се замесува. Тестото треба да биде меко замесено и според тоа видете дали ви е потребно уште брашно од тоа наведено во состојките (јас додадов).
3. Откако убаво ќе го измесите тестото, поделете го на два дела. Секој дел расукајте го во правоаголник, премачкајте го со по две лажици растопен путер, посипете со трошките и на крај со филот од праски.
4. Потоа тестото свиткајте го во ролат и сечете ролнички со дебелина од околу 1 см. Наредете ги во подмачкан плех, посипете ги со малку од трошките и оставете ги да стасаат. Печете ги на 180Ц додека не се зацрвенат.
5. Печените ролнички премачкајте ги со малку глазура
За трошките
1. Сите состојки измешајте ги, додадете го ладниот путер и со прсти измешајте го за да се направат трошки. До употреба чувајте го во фрижидер.
За филот
1. За филот може да употребите мармалад од праски и ако имате тогаш прескокнете го овој чекор. Ако немате, филот направете го на тој начин што излупените и исецкани праски ќе ги проварите на оган заедно со преостанатите состојки додека не се добие густ фил
За глазура
1. Се мешаат шеќерот во прав со млекото додека не се добие густ прелив