Мусака со пилешко месо
Состојки
- 500 гр компир
- 500 гр динстано пилешко месо (300 гр бело месо, 2 копани, 2 надкопани)
- 100 гр кашкавал
- 2 јајца
- 1 главица кромид
- 2 моркови
- 2 лукчиња
- 1/2 лажичка мелен црвен пипер
- 1 лажица мешан сув зачин
- малку магдонос
- малку бибер
- 300 мл млеко
- 180 гр кисела павлака
Подготовка
Месото со малку вода го ставаме да се динста, односно да се свари за да може да се одвои од коска. Го двоиме од коската и ситно го сечкаме.
На масло ставаме ситно сечкан кромид, рендан - а може и на коцки морков и лук, да се упржат, па го ставаме месото. Малку се упржува за да се поврзат вкусовите. Се додаваат зачините и магдоносот. Во тава редиме компири тенко исечени на кругови, ред од месото, па ленти кашкавал. Од истите состојки редиме по редослед и втор ред.
Залеваме со млеко и печеме во рерна на 200 степени. При крај на печењето се додава кисела павлака во која сме разматиле 2 јајца. Тавата ја враќаме во рерна и допечуваме без капак.
Во овој случај ручекот го готвев во огноотпорен сад со капак, ама одговара и малата ростер тава, а и кој било сад во кој си подготвувате.