Брзи содени мини пици
Состојки
- 500 гр брашно
- 150 мл млеко
- 150 мл вода
- 2 лажици јогурт
- 4 лажици маслиново масло
- 1 лажичка сода бикарбона
- 1 лажичка сол
- 150 гр рендана шунка
- 100 гр рендан кашкавал
- 1 домат
- оригано, кечап/доматен сос, печурки
Подготовка
Овие мини пици ми се допаднаа зошто се брзи, а исто и можете сите да ги направите со различни вкусови, по желба.
1. Во брашното ја додаваме содата и солта, маслиновото масло па земесуваме тесто со млекото (во кое сме додале 2 лажици јогурт) и водата.
2. Тестото го размесуваме во долга форма од која сечеме онолку парчиња колку што сакаме да имаме пици. Потоа ги расукуваме пиците и ги редиме во плех обложен со хартија за печење. (Јас некои ги расукав, а некои само ги оформив со рака - вторите беа поровки)
3. Секоја пица ја премачкуваме со кечап/доматен сос, наросуваме оригано па ставаме по желба рендана шунка, кашкавал, печурки, домат.
4. Печеме во загреана рерна околу 15-тина минути.