Сорбет од диња и малина со шардоне
Состојки
- За сорбет од диња
- 800 гр. исчистена диња
- 3-4 лажици шеќер
- 2 лажици ликер од портокал
- 150 мл. шардоне
- За сорбет од малина
- 4 шољи од кафе малини
- 4 лажици шеќер
- 1 ванилин шеќер
- 2 лажици ликер од лимон
Подготовка
Подготовката на ова многу убаво летно освежување оди вака
1. Во сад се става сечената диња и шеќерот и убаво се пасира. Потоа се додава ликерот и виното. Убаво се меша и се става во замрзнувач убаво да се олади. Откако ќе го ставите, првите 2-3 часа, вадете го на 40 мин.и промешувајте го за убаво да замрзне и да не се направи лед.
2. Сорбетот од малина се прави на ист начин. Малините (моите беа замрзнати) се мешаат со шеќерот, ванилата и убаво се пасираат. Потоа се додава ликерот, убаво се меша и се става во замрзнувач до користење. Јас бидејќи користев замрзнати малини, мојот веднаш беше готов за користење.
Доколку немате при рака ликер од портокал/лимон во смесите додадете сок од портокал/лимон и алкохолот слободно изоставете го.
Се служат во чаша или во сад за сладолед. Уживајте во вкусовите.