Видео рецепт: Фритата а ла Фичо
Состојки
- За ФРИТАТАТА ќе ви треба:
- 8 јајца
- 50 мл. јогурт
- 3 пиперки во различни бои
- млад кромид
- 200 гр. димена сланина
- сол и црн бибер
- 200 гр. козјо сирење
Фритата или еден вид потпечена кајгана, со додатоци по вкус. Фичо ќе ја подготви на негов начин.
Подготовка
Чекор 1: Јајцата изматете ги и додајте им го јогуртот. Пиперките исечкајте ги на коцкички, сланината и младото кромидче исто така исечкајте ги.
Чекор 2: Земете Тава за пржење, ставете ја на рингла да се загрее и додадете малку маслиново масло. Додадете ги пиперките малку да се запржат, потоа додадете ја и пропржете ја и сланината. Посолете, наросете црн бибер и убаво измешајте да се пропржи.
Чекор 3: Од како добро ќе се пропржат состојките префрлете ги во Ростер тавата. Додадете ги изматените јајца, повторно посолете. Издробете 200 грама козјо сирење и додадете го одозгора.
Чекор 4: Фритатата ставете ја во загреана рерна на 200 степени на најгорната решетка да се потпече, околу 15 минути. Потоа сервирајте.
СОВЕТ: Во Фритата може да ставите различен зеленчук и состојки по желба, но пробајте ја и оваа по рецептот на Фичо. Нам многу ни се допадна.